चिकन पोपटी

आमची प्रसिद्ध हंगामी चिकन पोपटी

पोपटी ही वेल्हे–भोर भागातील लाडकी हिवाळी परंपरा — मोकळ्या शेतात मडक्यात मंद आचेवर भाजलेली पूर्ण मेजवानी. धुरकट, रसदार आणि गावरान चवीने भरलेली — शिर्केवाड्याची खास ओळख.

1. घरी वाटलेल्या मसाल्यात चिकन मुरवलं जातं — सोबत अंडी, बटाटे, रताळी आणि कांदे.
2. ताज्या वाल / पावट्याच्या शेंगा आणि भांबुर्ड्याची पानं मडक्यात थर लावून बंद केली जातात.
3. मडकं उलटं ठेवून शेतात त्यावर जाळ करून मंद आचेवर भाजलं जातं.
4. तुमच्यासमोर गरमागरम उघडून भाकरीसोबत वाढली जाते — थेट मातीतून ताटात.